සිසුජන නායකයින් බැලීමට යුරෝපා සංගමය හිරගෙදරට යයි !
ආණ්ඩුවේ දේශපාලන උවමනාවට දින 100 ක් තිස්සේ නිරපරාදේ සිරගත කරගෙන සිටින සිසුජන ව්‍යාපාරයේ නායකයින්ගේ සුවදුක් විමසීමට ඊයේ (05) යුරෝපා සංගමයේ රටවල් නියෝජනය කරමින් විශේෂ නියෝජිතයෙක් බන්ධනාගාරයට පැමිණුනි.
කොතලාවල පනතට එරෙහිව අගෝ.03 පැවැත්වූ උද්ඝෝෂණය හේතුවෙන් අ.වි.ශි.බ.ම කැඳවුම්කරු ඇතුළු සිසු - කම්කරු නායකයින් 05 දෙනෙකු තලංගම පොලීසිය විසින් අත්තඩංගුවට ගන්නා ලදී. පපසුව කඩුවෙල මහේස්ත්‍රාත් අධිකරණයට ඉදිරිපත් කරන ලදුව දිගින් දිගටම ඇප ප්‍රතික්ෂේප කරමින් මේ වනතෙක් රක්ෂිත බන්ධනාගාරගත කර රඳවාගෙන සිටී. මෙලෙස බන්ධනාගාරය තුළ අඛණ්ඩව රඳවාගෙන සිටින්නේ ඇප දිය හැකි චෝදනා තිබියදී මෙන්ම අතිශය ව්‍යාජ චෝදනා ඉදිරිපත් කරමිනි. පොදු දේපල හානි කළ බවට පවසමින් ගොනු කර ඇති චෝදනා අවම වශයෙන් පොදු දේපල පනත යටතේවත් වරදවල් ලෙස සැලකෙන්නේද නැත. කෝෂිලා හංසමාලි හා චමීර කොස්ව ත්ත යන දෙදෙනාට ඉදිරිපත් කර ඇති චෝදනා සාවද්‍ය බවට තලංගම පොලීසිය විසින්ම උසාවියට වාර්තාවක් ඉදිරිපත් කරන ලදී. නමුත් එසේ තිබියදී කඩුවෙල මහේස්ත්‍රාත් මංජුල රත්නායක දිගින් දිගටම අහේතුකව ඇප ප්‍රතික්ෂේප කරමින් සිටියි. මෙය ඉතා පැහැදිලිවම ආණ්ඩුවේ දේශපාලන මැදිහත්වීමකි. බන්ධනාගාරය අසලදී අදහස් දැක්වූ අ.වි.ශි.බ.ම නියෝජිතයින් පැවසුවේ ආණ්ඩුව නීතියේ දෙවඟනගේ කරටත් සාටකය පළඳවා ඇති බවයි.
උද්ඝෝෂණය කිරීම, විරෝධය දැක්වීම ඕනෑම ප්‍රජාතන්ත්‍රවාදී රටක මූලික අයිතීන් ලෙස පිළිගැනෙන අතර මෙරට ජනතාවගේ එම අයිතය ආණ්ඩුව දැඩි මර්දනයක් මගින් අහෝසි කරමින් සිටියි. සිසුජන ව්‍යාපාරයේ ක්‍රියාකාරීන් සිරගත කළේ පොදු දේපල විනාශ කිරීමක් නිසා නොව කොතලාවල පනතට එරෙහිව සිදුපකළ අරගලය කඩාකප්පල් කිරීමේ අරමුණෙනි. අරගලය පෙරටම ඇදෙන විට තවදුරටත් ඇප ප්‍රතික්ෂේප කරමින් පලිගැනීම්වාරය දීර්ඝ කරන ලදී. අ.වි.ශි.බ.ම කැඳවුම්කරු පොලිස් අත්තඩංගුවේ සිටියදී බස්නාහිර පළාත් නියෝජ්‍ය පොලිස්පති දේශබන්දු තෙන්නකෝන් ඔහුට හැකි නම් මෙවර එළියට ඇවිල්ල පෙන්වන්නැයි කියමින් තර්ජනය කර තිබේ. ඒ අනුව පැහැදිලි වන්නේ දේශබන්දු තෙන්නකෝන් කඩුවෙල උසාවියේ තීරණය නඩුවට පෙරම දැන සිටි බව නොවේද ?
මෙම ප්‍ප්‍රජාතන්ත්‍ර විරෝධී මැදිහත්වීම පිළිබඳව අ.වි.ශි.බ.ම සියලු තානාපති කාර්යාල දැනුවත් කළ බවත්, ජාත්‍යන්තර මානවහිමිකම් සංවිධාන සමඟ ද සාකච්ඡා කළ බවත් පැවසූ අතර ඉදිරියටත් ජාත්‍යන්තර ප්‍රජාවගේ සහයෝගය ලබාගැනීමට කටයුතු කරන බව ද අදහස් දැක්වූ අ.වි.ශි.බ.ම නියෝජිතයා පැවසීය.
No comments:
Post a Comment