UGC සභාපති සමඟ 2020 A/L සිසුන්ගේ ගැටලුව පිළිබඳව අන්තරේ සාකච්ඡාවක්!
ඊයේ (05) දිනයේදී අන්තර් විශ්වවිද්‍යාලයීය ශිෂ්‍ය බලමණ්ඩලය හා 2020 උසස්පෙළ කඩයිම් ලකුණු ගැටලුවෙන් විද්‍යා විෂය ධාරාවෙන් අසාධාරණයට පත් සිසුන් සහ දෙමාපියන් සමග විශ්වවිද්‍යාල ප්‍රතිපාදන කොමිසන් සභාව වෙත යන ලදී. උසස්පෙළ කඩයිම් ලකුණු ගැටලුව පිළිබඳව විශ්වවිද්‍යාල ප්‍රතිපාදන කොමිසමෙන් විමසීම සදහා යි. මෙම අවස්ථාව සඳහා වෛද්‍ය පීඨ ශිෂ්‍ය ක්‍රියාකාරී කමිටුව ද සම්බන්ධ විය.
එම අවස්ථාවේදී විශ්වවිද්‍යාල කොමිසම් සභාපති සම්පත් අමරතුංග මහතා සමග සාකච්ඡාවක් පැවැත්වූ අතර එහිදී සිසුන් තමන් මුහුණ පා සිටින ගැටලු පිළිබඳ දැනුවත් කරන ලදී. පසුගිය වර්ෂයට සාපේක්ෂව මෙවර සරසවි බදවා ගැනීම් කප්පාදු කිරීමක් සිදුකර ඇති බව පෙන්වා දුන් අතර පසුව සභාපතිවරයා පවසනු ලැබූයේ තවම බදවා ගැනීම කටයුතු අවසන් කර නොමැති වූවත් උත්තර පත්තර නැවත පරීක්ෂණ කටයුතු සිදුකර අවසන් කළ පසු ඉතුරු ප්‍රමාණය ද බදවාගැනීමට කටයුතු කරන බවයි. ඒ සදහා තව මසක පමණ කාලයක් ගත වන බවත් ඒ අනුව පසුගිය වර්ෂයේ දී විශ්වවිද්‍යාල සදහා බදවා ගත් සිසුන් ප්‍රමාණය මෙවරද අනිවාර්යයෙන්ම බදවා ගැනීමට කටයුතු කරන බවයි.
පසුගිය වර්ෂයේ දී කඩයිම් ලකුණු ගැටලුව පැමිණි අවස්ථාවේ අන්තර් විශ්වවිද්‍යාලයීය ශිෂ්‍ය බලමණ්ඩලය එම සිසුන් සහ දෙමාපියන් සමග කරන ලද අරගලයක ප්‍රතිඵල ලෙස සිසුන් අමතරව 2000කට වඩා වැඩි පිරිසක් විශ්වවිද්‍යාල සදහා බදවා ගැනීමට ආණ්ඩුවට සිදු වූ අතර ඒ අතරින් වෛද්‍ය පීඨ සදහා අමතරව බදවා ගත් සිසුන් ප්‍රමාණය 110 කි. එම නිසාවෙන් මෙම කඩයිම් ලකුණු ගැටලුවට ඇති විසදුම වනුයේ විශ්වවිද්‍යාල වෙත බදවා ගන්නා සිසුන් ප්‍රමාණය වැඩි කිරීමයි. එම නිසා විශ්වවිද්‍යාල ප්‍රතිපාදන කොමිසන් සභාවේ පොරොන්දු වලට සීම නොවී අසාධාරණයට පත් සිසුන් ඇතුළුව වැඩි ශිෂ්‍ය සංඛ්‍යාවක් විශ්වවිද්‍යාල වෙත බදවා ගැනීම සදහා මැදිහත්වන බව අ.වි.ශි.බ.ම පවසයි.
No comments:
Post a Comment